Siglir tar il cuntegn

Engiadina Sunar per renconuschientscha

39 solists ed 7 ensembles èn sa preschentads la sonda ad ina giuria professiunala a Samedan, quai en occasiun da las producziuns libras. Dapi 11 onns vegn organisada quest'occurrenza, quest onn cun in record da participants.

Legende: Video Sunar per avair plaschair abspielen. Laufzeit 02:44 Minuten.
Or da Actualitad video dals 20.11.2017.

Per l'indeschavla giada han gì lieu las producziuns libras per solists ed ensembles – questa giada a Samedan e quai cun in record da participants. Anc mai avant èn s'annunziads 39 solists e set ensembles per quest'occurrenza.

Nagins puncts u rangs – ma tuttina ambiziuns grondas

Las musicistas ed ils musicists sa preschentan ad ina giuria professiunala. Quella na scumparta però betg puncts u rangs – ella preschenta a mintgin in rapport professiunal per optimar il savair musical persunal.

Ils participants sa preparan professiunalmain e la tensiun è palpabla. Avant il recitar davant la giuria trenescha mintgin anc sulet en in chamberlet.

S'inscuntrar, far amicizia e promover ils giuvens musicists

L'occurrenza da las producziuns libras per solists ed ensembles duai esser in lieu per entrar en contact cun auters musicists. Ils rapports professiunals ed ils tips e trics duessan promover ils musicists giuvens e pussibilitar in svilup musical.

TR Telesguard 17:40