Siglir tar il cuntegn

Engiadina Suenter lunga discussiun - gea da Samedan a destinaziun turistica

I ha dà in gea a Samedan pir suenter lungas discussiuns e suenter in na a la dumonda ord la radunanza da spustar la tractanda. Crititgà è surtut vegnì ch'ins na sappia betg propi a tge ch'ins di gea.

samedan
Legenda: Samedan è la 7avla da 12 vischnancas che ha ditg gea samedan.ch

Cun 95 encunter 48 vuschs e 7 abstenziuns di era Samedan gea a la nova societad d'aczias per la destinaziun turistica en Engiadin'Ota Engiadina San Murezzan Turissem. Quai è il settavel gea en Engiadin'Ota. Tut las 12 vischnancas da l'Engiadin'Ota ed era la vischnanca da Bregaglia ston dir gea per che la nova societad d'aczias vegn fundada.

Samedan sto pajar a partir dal 2018 360'000 francs dapli per da la destinaziun turistica sco fin ussa. Quai sin basa da la clav da repartiziun che sa basa nov sin il numer d'abitants e betg pli sin ils letgs per giasts.

Bleras discussiuns

Per discussiuns ha surtut procurà il fatg che bleras cumponentas èn anc intschertas. Ch'ins cumpria il giat en il satg era la tenuta d'intgins votants preschents a la radunanza. Tenor il motto "Vogel friss oder stirb". Auters han appellà a la solidaritad denter las vischnancas. Ch'ins stoppia ir ina via cuminaivla sch'ins na veglia betg ristgar che Samedan fiss suenter in flatg nair sin la carta da l‘Engiadin’Ota.