Success per Opera San Murezzan

La premiera da l'opera Bianca e Fernando da Vincenzo Bellini en il Maloja Palace ha persvadì il public da premiera.

L'opera en la sala dal Maloja Palace

Legenda da maletgs: L'opera San Murezzan en il Maloja Palace: il public è fitg damanaivel als chantadurs Giancarlo Cattaneo, Fotoswiss

chantadurs e public en il foyer

Legenda da maletgs: Il cumenzament da l'opera en il foyer dal Maloja Palace Giancarlo Cattaneo, Fotoswiss

L'opera San Murezzan mussa adina operas specialas en lieus specials, numnadamain en hotels da l'Engiadin'Ota. Quest'onn datti l'opera Bianca e Fernando da Vincenz Bellini. Igl è la 16avla producziun da l'opera San Murezzan. Il reschissur ollandais Peter George d'Angelino Tap ha en pli bunamain integrà il public en la dramaturgia: Uschia cumenza l'opera durant che il public è anc en il foyer e spetga da pudair entrar. Era en la sala è il public sparpaglià, ina part sesa amez la tribuna.

Flurin Caduff

Legenda da maletgs: Flurin Caduff che chanta la rolla da Filippo en l'opera Bianca e Fernando Giancarlo Cattaneo, Fotoswiss

Chantadurs svizzers

L'opera Bianca e Fernando da Vincenzo Bellini n'è betg fitg enconuschenta ed ella vala sco opera fitg pretensiusa. L'Opera San Murezzan lavura per gronda part cun solists svizzers sco per exempel il Grischun Flurin Caduff che chanta la rolla da Filippo, il "nausch" dal toc.

Las radund 300 persunas che han visità la premiera han dà in grond applaus als solists ed a l'orchester per la prestaziun a la premiera.