Siglir tar il cuntegn

Engiadina Success mediocher per Terratrembel a Puntraschigna

Müslum e Dodo pisseran per party

Legende: Video Success mediocher per il 18. Terratrembel abspielen. Laufzeit 0:50 Minuten.
Dals 28.02.2016.
decoraziun da la sala
Legenda: La festa cun concerts da la Giuventüna puntraschigna ha gì success. RTR/D. Spinnler

Il festival da musica da la Giuventüna Puntraschigna, il Terratrembel n'ha betg gì il success giavischà. Tenor il president da la Giuventüna, Niculin Tschumper èn stads radund 500 visitaders a la sairada da concerts sonda en il Rondo a Puntraschigna. Per betg far deficit avessi duvrà radund 600 visitaders. L'avegnir dal festival Terratrembel n'è dentant betg periclità. Ils organisaturs han avunda reservas.

Stars svizzers

Cun Müslüm e Dodo han dus stars da la scena da musica svizra fatg la visita en Engiadin'Ota. Tant Dodo sco Müslüm han mussà ina show engaschada ed uschia pisserà per party a Puntraschigna. Ma era la band engiadinaisa Cold Spirit ha dà in concert al «Terratrembel».

La Giuventüna da Puntraschigna ha organisà per la 18avla giada il Terratrembel.