Siglir tar il cuntegn

Header

cuntegn

Engiadina Success cunter commerzi da cocain a San Murezzan

La polizia chantunala grischuna ha arrestà a San Murezzan in vendider da cocain. L'um ha vendì durant las ultimas duas stagiuns d'enviern cocain en la valur da plirs dieschmilli francs.

Il Spagnol da 39 onns è stà ils ultims dus envierns sco turist en l'Engiadin'Ota. Durant quai temp ha el vendì cocain ad almain 17 differentas persunas, en la valur da plirs dieschmilli francs. Tar ina perquisiziun da la chasa dal vendider ha la polizia chattà plirs grams cocain sco era daners bluts en la valur da passa 20'000 francs.

Suenter l'arrest d'inquisiziun è l'um vegnì tramess da l'uffizi da migraziun e dretg civil dal Grischun ord il pajais. Il secretariat da stadi ha plinavant ordinà per l'um in scumond d'entrar en Svizra. En tut ha la polizia chattà 24 persunas en la vegliadetgna da 20 fin 35 onns che ston sa responsar davant la giustia grischuna, perquai ch'i han cuntrafatg a la lescha davart ils meds narcotics.

RR novitads 14:00

Artitgels legids il pli savens