Siglir tar il cuntegn

Header

cuntegn

Engiadina Stars mundials a la Brassweek a Samedan

85 musicantas e musicants d'amaturs fin profis sa participeschan a la tschintgavla Brassweek a Samedan. Sco docents èn quest onn da la partida numerus musicants enconuschents. Tranter els è era il Svizzer Thomas Rüedi

Per la tschintgavla giada ha lieu a Samedan la Brassweek. Amaturs fin profis han la pussaivladad da prender lecziuns da musica tar docents cun renum internaziunal.

Thomas Rüedi – l'enconuschent eufonist

In dals numerus docents è il Svizzer Thomas Rüedi. El viagescha cun ses instrument sin tut il mund - da l'Asia fin en l'America, da l'Europa fin en l'Africa. Ina giada sco musicant en in orchester, in'autra giada sco dirigent d’ina Brass Band ed adina puspè era sco solist cun ses eufonium.

audio
Thomas Rüedi - star internaziunal al Brassweek
ord Actualitad dals 06.07.2016.
laschar ir. Durada: 2 minutas 46 Secundas.

Dasper la ritmica, la dinamica, la tecnica ed auters aspects impurtants per sunar l'eufonium vul Thomas Rüedi oravant tut far buna musica. El vul animar ses scolars d'esser averts per da tuttas sorts da musica e da tadlar meglier.

La Brassweek ha lieu dals 3 fin ils 9 fanadur. En quell'emna han lieu era numerus concerts cun ils stars mundials ensemen cun ils participants.

RR actualitad 11:00

Artitgels legids il pli savens