En ina votaziun online ha Sent fatg la cursa encunter las vischnancas Oberstammheim (chantun Turitg) ed Oberwil (chantun Berna). Perquai è in team da l’emettur da radio «SRF Musikwelle» vegnì a Sent.
Ils reporters van a la tschertga d’istorgias interessantas e fan in purtret da la vischnanca. Era visitan els l’hotel Val Sinestra, ina fatschenta da cheramica e discurran l'enconuschent artist Not Vital e blers auters.
Musica n'astga betg mancar
Natiralmain stat la musica en il center. Mintga di preschentan els ina societad u ina gruppa da musica. Da la societad da musica Sent sur las musicas da giuvenils enfin tar la chapella Tamangur. Il studio e installà en in suler d’ina chasa engiadinaisa. La populaziun astga vesair il team a lavurar e dar si giavischs musicals.
«Zoogä-n-am Boogä» sco act final
Venderdi a partir da las 20.00 ha alura lieu la festa finala. Diversas furmaziuns da musica da Sent, ma era da las duas vischnancas ch'han pers la cursa, Oberstammheim ed Oberwil èn preschentas. Quest emissiun vegn alura era emessa live da Sent.
RR actualitad 17:00