Engiadina - Squadra naziunala da skis chinaisa trenescha sin la Diavolezza
Dals 24 october fin ils 3 november èn tschintg dunnas e quatter umens da la naziunala da skis chinaisa sin la Diavolezza a trenar. Grazia a la collavuraziun cun l'organisaziun da turissem Engiadina San Murezzan han els la pussaivladad da sa preparar per il campiunadi mundial 2017 a San Murezzan.
Il mument parta la naziunala da skis chinaisa betg al cup mundial da skis e sin la glista dals nums rangads èn els lunsch enavos. La squadra cun ils nov atlets ed il trenader slovac èn dentant ambizius. Els vulan esser da la partida il favrer 2017 a San Murezzan, era sch'i vegn difficil – forsa nunpussaivel da sa qualifitgar per ina cursa. Esser là e profitar da las experientschas è lur credo per alura esser top il 2022 a Peking.
Reclama per la regiun e destinaziun Engiadina San Murezzan
Vegnida è la naziunala chinaisa sin envid da l'organisaziun da turissem Engiadina San Murezzan. Dus onns haja quai duvrà fin che l'intent ha pudì vegnir realisà, di la directura Ariane Ehrat. Uss saja ella dapli che cuntenta. Ina megliera reclama na possia quai betg dar en la China per la regiun d'Engiadin'Ota.
audio
Bunura: La squadra naziunala da skis chinaisa sin la Diavolezza
03:03 min, ord Actualitad dals 29.10.2016.
laschar ir. Durada: 3 minutas 3 Secundas.
1 / 3
Legenda:
Per blers era quai l'emprima giada, ch'els han mangià fondue da chaschiel, ma igl gusta.
RTR, Violanta Rominger
2 / 3
Legenda:
La squadra naziunala da skis Chinaisa suenter il trenament sin la Diavolezza.
RTR, Violanta Rominger
3 / 3
Legenda:
La squadra cun Ariane Ehrat e la consula da la China Yanping Gao.
RTR, Violanta Rominger
