Siglir tar il cuntegn

Header

video
Decisiun da dumengia betg in na cunter il sport da sigl
Or da RTR dals 27.09.2016.
laschar ir. Durada: 2 minutas 39 Secundas.
cuntegn

Engiadina Sport da sigl betg mort definitivamain

Suenter il na al credit supplementar da 8.4 milliuns francs per la nova schanza olimpica a San Murezzan duain las 2 schanzas pitschnas da 15 e 30 meters vegnir messas en urden. Per il club da skis Alpina e la Scola Sportiva a Champfèr fiss dentant pli impurtanta la schanza da 60 meters.

Sper la construcziun da la nova schanza olimpica eran era planisadas duas schanzas pitschnas ed ina da 60 meters.

Suenter il na la dumengia passada stat tut en l'aria. Tenor la vischnanca da San Murezzan vul ins refar las duas schanzas pitschnas per questa stagiun d'enviern. Per la schanza da 60 meters duvrassi in nov project. La balla è uss tar il club da skis Alpina e la cumissiun da la schanza.

audio
Bunura: Na a la schanza - consequenzas per la scola da skis
ord Actualitad dals 27.09.2016.
laschar ir. Durada: 25 Secundas.

Sche, lura quella da 60 meters

I dovra la schanza da 60 meters. Quai è il tenor tar il club da skis Alpina ed era da la Scola Sportiva a Champfèr. Fatg saja numnadamain che mo ils pitschens da l'emprima e segunda classa siglian sin las schanzas da 15 e 30 meters. Suenter dovri dapli per garantir in bun trenament. Quai surtut era sch'ins vul attrair champs per uffants ni concurrenzas da juniors etc. Per quai dovri almain la schanza da 60 meters. Cler è dentant era che construir insatge mo per quels pèr che siglian anc en Engiadina fiss exagerà. Che per quai na fissan ils custs betg giustifitgads dian tant il president dal club da skis Alpina Marco Pool sco era Reto Matossi, magister da sport tar la Scola Sportiva a Champfèr.

RR actualitad 07:00

Artitgels legids il pli savens