Siglir tar il cuntegn

Header

Ils novs locals da la societad Movimento a Samedan amez Samedan
Legenda: Ils novs locals da la societad Movimento a Samedan amez Samedan Chantun Grischun
cuntegn

Societad Movimento Glisch verda per renovaziun da la «Chesa Surtuor» a Samedan

La regenza grischuna dat glisch verda al project da renovaziun da la «Chesa Surtuor» da la societad Movimento a Samedan. Il chantun sa participescha cun maximalmain 320'000 francs vi dal project da 420'000 francs, scriva la regenza en ina communicaziun. Suenter la renovaziun duaja il bajetg esser accessibel senza barrieras e cuntegnair il lavuratori protegì, ina butia ed in magasin per il servetsch tecnic .

La societad Movimento

Avrir la box Serrar la box

La societad privata Movimento porscha plazzas d'abitar, plazzas da lavur e structuras dal di protegidas per persunas cun in impediment corporal u spiertal a Samedan, Poschiavo, Müstair e Scuol. Movimento ha in mandat da prestaziun dal chantun e chasas d’abitar assistidas

Butia ed in cafè amez Samedan

Ad ina radunanza extraordinaria il cumenzament da quest onn ha la societad Movimento decis da cumprar en il center da la vischnanca da Samedan las localitads dad in'anteriura drogaria. Là prevesa la societad da realisar ina tessaria cun butia ed in pitschen café. Cun la realisaziun da questa purschida prevesa la societad oravant tut da promover il contact tranter persunas cun in impediment corporal u spiertal e la societad. Tenor infurmaziuns da la presidenta da la societad Movimento, Prisca Anand, saja la finanziaziun segirada. Els prevesan dad avrir las portas la fin da l'onn 2022.

audio
Novs locals per la societad a Samedan
ord Actualitad dals 15.03.2022.
laschar ir. Durada: 2 minutas 36 Secundas.

RTR actualitad 17:00

Artitgels legids il pli savens

Scrollar a sanestra Scrollar a dretga