Siglir tar il cuntegn
Inhalt

Engiadina Silvaplauna conceda credit da 8,4 milliuns francs

A Silvaplauna ha la radunanza da vischnanca approvà il project per la furmaziun da Silvaplauna e per la sanaziun da las vias. Cun gronda maioritad ha la radunanza concedì il credit latiers che munta a 8,4 milliuns francs (+/-25%).

Silvaplauna.
Legenda: Er la revisiun da l'urden da la scola Silvaplauna-Champfèr è vegnida approvada cleramain. Keystone

La varianta «light» dal project senza sulada cumpiglia ils secturs parzials nord (Via Maistra), Sid (Via vers Mulins e Via vers Chardens) sco era ina fermada da bus provisorica. Las lavurs duain esser terminadas il 2018, avant l’avertura la sviada.

Auzar taglia sin immobiglias, laschar pe da taglia

La radunanza da vischnanca ha era approvà il preventiv 2016. Quel quinta cun in surpli d'expensas da 1,3 milliuns francs tar expensas totalas da 18,4 milliuns.

La taglia taglia sin immobiglias vegn auzada da 1‰ sin 1,25 ‰, las taxas da turissem restan sco fin qua. Er il pe da taglia resta per il 2016 tuttina. El munta a 67% da la taglia chantunala simpla.

RR novitads 06:00