L'entschatta da schaner 2016 e vegnida inoltrada la refurma dal territori. La presidenta da la regenza grischuna vul vegnir infurmada sur da las lavurs da las 11 regiuns.
La 9avla ina nunusitada
Normalmain han lieu las conferenzas dals president da las vischnancas da Scuol, Valsot, Samignun, Zernez e Val Müstair en biro da la regiun a Scuol. Betg questa giada, la sesida è stada en la chamona Heidelberg sin territori da Valsot. Radund 2 uras a pè ston ins quintar, da Vnà en direcziun Chöglias e lura amunt fin sin 2600 meter sur il pass da Fenga (Fimberpass) fin tar la chamona.
Surpraisa sisum il pass
Cafè e sandwich e musica cun la tiba, sunà dal schef dal uffizi da vischnancas, Thomas Kollegger. Ina surpraisa per ils presidents communals e era per la regenta Barbara Janom Steiner.
Chaminar è bun per studegiar
Vairamain leva Barbara Janom Steiner visitar la sesida, ma ella è era persvasa da la chaminada. Sin viadi dettia bunas discussiuns, chaminar saja bun per studegiar, uschia Janom Steiner.
RR actualitad 08:00