Siglir tar il cuntegn

Header

cuntegn

Engiadina Serletta Sid: i na va betg vinavant

Ils promoturs dal project per in hotel da sanadad ed ina nova clinica Gut moneschan che ils adversaris provian dad impedir il project via recurs.

Ils 18 d'october 2015 ha la populaziun da San Murezzan ditg cleramain gea a la revisiun da la planisaziun locala a Serletta Sid. Quai per pussibilitar la fabrica dad in hotel da sanadad e dad ina nova clinica Gut. Suenter la decisiun da la populaziun han ils adversaris, ils hotels da luxus Palace e Kulm, inoltrà in recurs da planisaziun encunter questa revisiun. Sper ils dus hotels han inoltrà anc autras partidas in recurs.

audio
Saira: Serletta sid - clinica Gut fa renfatschas
ord Actualitad dals 08.06.2016.
laschar ir. Durada: 2 minutas 7 Secundas.

Nagin success da maisas radundas

Dus discurs vid ina maisa radunda sut la batgetta da la vischnanca n'hajan dentant betg purtà resultats, di ussa la possessura da l'areal e patruna da fabrica dal project, la Chris Silber SA. Ils adversaris fetschian tut per impedir il project. Uschia n'acceptian els betg la decisiun dal pievel che haja ditg cleramain gea al project dad in hotel da sanadad e dad ina nova chasa per la Clinica Gut.

Ils adversaris, ils 2 hotels Kulm e Palace na vulan actualmain betg prender posiziun. Quai pervia chi sa tractia dad ina procedura giuridica pendenta. Quai ha ditg Jörg Röthlisberger da l'agentura da communicaziun dals 2 hotels a Radiotelevisiun Svizra Rumantscha RTR. Pli tard mettian ils hotels lura sin maisa lur opiniun en chaussa.

Artitgels legids il pli savens