Siglir tar il cuntegn

Header

cuntegn

Engiadina Segundas abitaziuns a Scuol: Proprietaris èn vegnids pli quiets

Mintg’onn organisescha la vischnanca da Scuol in inscunter cun ils proprietaris d’abitaziuns secundaras. Quel è la plattafurma per intensivar la collavuraziun vicendaivlamain.

Radund 3'000 abitaziuns secundaras datti a Scuol. Quellas genereschan radund 400’000 pernottaziuns e mainan a l’economia ina svieuta da radund 50 milliuns francs.

Nus sa participain a l'infrastructura da la vischnanca ed essan da l'avis ch'ils burdis ed las obligaziuns stuessan vegnir repartids a moda pli gista.
Autur: Heinz Zürcher Iniziant cuminanza d'interess
audio
Bunura: Inscunter tradiziunal cun proprietaris 2. abitaziuns a Scuol
ord Actualitad dals 07.08.2017.
laschar ir. Durada: 2 minutas 55 Secundas.

Normalmain vegnan tschentadas bleras dumondas dals proprietaris a l'inscunter tradiziunal cun la vischnanca. Dapi ch'ils proprietaris èn s'organisads è dentant tut daventà pli quiet. Tut ils quitads e las dumondas dals proprietaris arrivan en in lieu e vegnan lura suttamess a la vischnanca. Per omaduas partidas ina situaziun bainvisa.

Jau na poss betg discurrer cun mintgin. Grazia a la cuminanza d'interess avain nus insatgi che nus pudain communitgar.
Autur: Christian Fanzun President da vischnanca Scuol

Vischnanca e proprietaris han uschia plattafurma

Christian Fanzun, il president communal da Scuol, ha infurmà ils radund 300 preschents davart las finanzas, malauras, plazzals, leschas. E la directura da turissem, Martina Stadler, ha infurmà davart ils differents project turistics.

Davart dals proprietaris d’abitaziuns secundaras infurmescha Heinz Zürcher sur dal stadi da lur organisaziun la «Cuminanza d’interess d’abitaziuns secundaras Scuol».

RR actualitad 07:00

Artitgels legids il pli savens