Siglir tar il cuntegn

Header

cuntegn

Segl Petiziun cunter la lescha pli restrictiva d'abitaziuns secundaras

Ina petiziun vul che la vischnanca sisteschia ils plans per ina lescha da segundas abitaziuns pli restrictiva. 137 votantas e votants han suttascrit la petiziun.

Ils petiziunaris sa disturban tenor l'argumentari surtut vi dal punct, ch'i sto vegnir creà nov spazi da viver per indigens tar mintga midament da maun. Betg mo tar ina vendita d'ina chasa, mabain era tar in'ierta. Ni ch'igl è da pajar in'indemnisaziun pli gronda. Quai saja in'intervenziun massiva en la libertad e la garanzia da proprietad. Talas mesiras fixadas en la lescha da segundas abitaziuns chaschunian donns irreversibels a la vischnanca e dividian ella, hai num en la petiziun. Ils petiziunaris pretendan da la vischnanca da construir agen spazi da viver per indigens en il quartier Seglias e la zona da commerzi. 137 votantas e votants han suttascrit la petiziun e l'inoltrà mez fanadur a la suprastanza communala.

Quella aveva lantschà la discussiun encunter ina mancanza d'abitaziuns primaras il schaner cun relaschar ina zona da planisaziun. L'idea era da crear ensemen cun la populaziun mesiras pli severas. In'emprima saira da discussiun ha gì lieu il zercladur. Oz venderdi duai ina gruppa da lavur discutar la tematica per l'emprima giada. Da quella fan part era commembers da l'opposiziun.

audio
Per tadlar: curt e cumpact
ord RTR Audio dals 04.08.2022.
laschar ir. Durada: 1 minuta 7 Secundas.

RTR novitads 06:00

Artitgels legids il pli savens