Segl: Disgrazia al Piz Tremoggia

Las forzas da salvament han chattà la bara dad in alpinist.

Ina carta da google maps che mussa la posiziun dal Piz Tremoggia.

Legenda da maletgs: Ina persuna è sa disgraziada ier al Piz Tremoggia. Google Maps

La dunna da l'alpinist aveva infurmà la Rega venderdi saira, che ses um na saja anc betg turnà da sia tura sin il Piz Tremoggia sur il vitg da Segl. Las forzas da salvament han chattà la bara da l'alpinist talian sin il Vadret dal Tremoggia. Quai ha communitgà la Polizia chantunala. Probabel saja l'um da 71 onns glischnà e crudà giu. La polizia investighescha en chaussa. Dasper la Rega èn er plirs commembers da la secziun Bernina dal Club alpin svizzer (CAS) sa participads a la tschertga.

RR novitads 14:00