Siglir tar il cuntegn

Header

cuntegn

Engiadina Scuvrir il sport da cursa d’orientaziun

Durant ils proxims trais dis sa participeschan 250 scolaras e scolars da la terza fin novavla classa da Scuol a l’acziun «sCOOL» in project naziunal per scolas svizras organisà da l’uniun svizra da cursa d’orientaziun.

Quai che pertutga il sport da cursa d’orientaziun è la Svizra ina da las meglras naziuns da tut il mund. En relaziun cun ils numerus success è il sport dentant anc adina plitost in sport marginal en Svizra.

video
Cursa d’orientaziun
Or da Minisguard dals 25.06.2016.
laschar ir. Durada: 3 minutas 29 Secundas.

Il project «sCOOL» vul midar quai

Gia dapi 10 onns organisescha l’uniun svizra da cursa d’orientaziun curs da fufragnar per scolaras e scolars en tut la Svizra. La finamira è da render attent giuvenils pli ferm al sport da cursa d’orientaziun.

Anc in’ulteriura finamira

A Scuol han ils manaders da quest project anc in’ulteriura finamira. Els na vulan betg mo render attent al sport en general, mabain era far quaida als uffants sin il campiunadi mundial da cursa d’orientaziun dals juniors che ha lieu ils 9 enfin ils 15 da fanadur en Engiadina Bassa e Val Müstair. Cun survegnir ina invista pli profunda en il sport duessan ils giuvenils persequitar l’eveniment sco fans, uschia la manadra da quest curs, Annelies Meier.

Artitgels legids il pli savens