Siglir tar il cuntegn

Header

Navigaziun

Vopna da Scuol.
Legenda: La vopna existenta da la vischnanca da Scuol. RTR
cuntegn

Engiadina Scuol: Vopna resta be pervia d'ina vusch

Cun ina vusch differenza è la populaziun da la vischnanca fusiunada da Scuol sa decidida da mantegnair la vopna existenta.

Decisiun stretga

Mo cun ina vusch differenza decidan ils da Scuol da restar tar lur vopna veglia. 546 votants e votantas han vuschà per duvrar vinavant la vopna cun il bigl - 545 èn s'exprimids per ina nova vopna. Fiss la segunda dumonda tge nova vopna eleger stada relevanta - avessan ils da Scuol preferì il bigl cun stailas. Christian Fanzun, president communal da Scuol, era fitg surprais da questa decisiun zunt stretga.

La populaziun ha pudì eleger tranter trais propostas: Ina era cumplettamain nova, ina era modifitgada, e lura anc quella da l’anteriura vischnanca da Scuol.

Ulteriurs projects

Approvà ha la populaziun da Scuol la lescha davart l'adiever da las vias champestras e las vias da guaud cun vehichels a motor cun 650 cunter 500 vuschs. Quest midament da lescha aveva procurà a l’ultima radunanza communala da Scuol per diversas discussiuns. Tar ils ulteriurs sis projects hai dà clers fin fitg clers geas. La participaziun a l'urna è stada tar 34 pertschient.

RR novitads 11:00