La radunanza communala da Scuol ha approvà il quint dal 2015. Plinavant han ils preschents concedì in credit da 208'000 francs per sanar l'ovra electrica Clemgia.
Il rendaquint per l’onn 2015 è vegni approvà cun in vanz da radund 10,3 milliuns francs. En quella summa è integrada la contribuziun da fusiun chantunala da 9,8 milliuns francs. Causa il resultat positiv en vegnidas fatgas amortisaziuns supplementaras da bundant 5 milliuns francs.
Ultra da quai è la radunanza vegnida orientada davart la revisiun parziala da la planisaziun communala e l'urden da scola. Ils projects èn vegnids approvads e van en votaziun ils 25 da settember 2016.
RR novitads 06:00