Siglir tar il cuntegn
cuntegn

Engiadina Scuol-Nairs: In char center da cultura

Previsas eran investiziuns da radund 3,5 milliuns francs. La fin èn ils custs augmentads a radund 4,4 milliuns francs. Quai è il facit finanzial suenter trais onns renovaziun totala dal center d’art a Nairs Scuol.

La renovaziun dal center d’art a Nairs è reussida. Or da la chasa veglia che deriva da l’onn 1913 e ch'era en in nausch stadi è daventà in stabiliment renovà che cuntenta ils standards d’ozendi.

Quai ha dentant custà: Il motiv principal ch'ils custs en pli auts che previs è da chattar en la substanza da la chasa veglia ch'era en in pli nausch stadi che quai ch'ins aveva cret.

La chasa stà sut protecziun da monuments

In segund motiv per l’augment dals custs è er il fatg, che la protecziun da monuments ha gì differentas pretaisas durant la construcziun. Betg planisada e calculada uriundamain è ina sala polivalenta per occurrenzas pli grondas ch'è vegnida realisada en pli.

Cun la renovaziun è vegnida salvada in chasa istorica or dal temp dals bogns da cura da grond'impurtanza.