Siglir tar il cuntegn
cuntegn

Engiadina Scuol duess survegnir il label citad d’energia

La finamira dal cussegl da vischnanca da Scuol è da survegnir il label citad d’energia fin la fin dal 2017. Ils emprims pass ha la vischnanca instradà.

Scuol cun davos vart Sent che ha gia il label cità d'energia.
Legenda: Scuol cun davos vart Sent che ha gia il label cità d'energia. Reto Mayer

En il Grischun han 18 vischnancas il label da citad d’energia. Tranter quellas tut las enconuschentas sco San Murezzan, Tavau, Claustra, Cuira u era Glion. En questa liga vul uss er Scuol arrivar. Però Scuol na cumenza betg tar nulla. La fracziun da Sent aveva survegni quest label gia l'onn 2011. Ma er tschellas fracziuns han tscherts edifizis ch'accumpleschan las pretaisas da quest label.

Survegnir il label anc il 2017

Sco emprim pass ha la vischnanca fatg in catalog cun tut ils edifizis da las 6 fracziuns. Tenor quel duessan vegnir fatgas las investiziuns ch'èn basegnaivlas. Uschia ha la vischnanca temp da planisar a lunga vista e senza squitsch da temp. In emprim pass è da remplazzar l’illuminaziun publica cun installar la glisch LED. Grazia a questas mesiras e l’infrastructura ch'è gia avant maun, èn las schanzas grondas che Scuol survegn il label citad d’energia gia la fin dal 2017.

RR actualitad 08:00