Siglir tar il cuntegn
cuntegn

Engiadina Scuol: Deficit per la halla da Glatsch

La Gurlaina SA ha da preschentar in rendaquint cun ina perdita da 33’000 francs.

La halla da glatsch Gurlaina
Legenda: Rendaquint negativ per la Gurlaina SA mad

L’onn da gestiun 2016 finescha per la Gurlaina SA cun cifras cotschnas: Tar entradas da 330’000 francs e sortidas da 363’000 francs datti in deficit da 33'000 francs. Quai scriva il cussegl d’administraziun en il rapport annual. Il gremi cusseglia als acziunaris da transportar il deficit da 33’000 francs sin il quint da gestiun nov.

«Betg cuntanschì las finamiras»

Per Leta à Porta-Ritz, ch'è dapi trais onns presidenta dal cussegl d’administraziun èsi cler: En il rapport annual scriva ella, che la Gurlaina SA n'haja betg cuntanschi las finamiras da la planisaziun finanziala – surtut betg en quai che reguarda ils custs.

Onn per onn 145'000 francs sustegn da las vischnancas

Las vischnancas da Scuol, Valsot e Samignun sustegnan la gestiun da la halla da glatsch Gurlaina mintg'onn cun in import da 145’000 francs. Ils custs da persunal reducescha la vischanca da Scuol cun ina collavuraziun tranter la Gurlaina, l’implant da sport Trü, il Bogn Engiadina e la gruppa dal mantegniment communal. Per il mantegniment da la tecnica han stuì vegnir investì 91’000 francs.

En zercladur ha lieu la 13avla radunanza generala da la Gurlaina SA.

RR novitads 20:00