Siglir tar il cuntegn
cuntegn

Engiadina Scuol: Credit da 3,5 milliuns sco protecziun encunter aua gronda

Ils 10 da zercladur decida il suveran tge varianta che vegn realisada per segirar l’infrastructura per lung dal flum Clozza che passa tras la vischnanca.

Las malauras da la Val Clozza a Scuol.
Legenda: Las malauras da la Val Clozza a Scuol l'onn 2015. J.A. Taisch

L'avrigl da quest’onn ha la radunanza communala deliberà il credit per mauns da la votaziun a l’urna. Il project prevesa in batschigl da tschiffada cun ina capacitad da 12’000 m3 sur la vischnanca ed ulteriurs mirs ed indriz da segirezza lung la Clozza.

Subvenziuns da chantun e Confederaziun

Dals 3,5 milliuns surpigliass il chantun 20% (850’000 francs) e la Confederaziun 35% (1,02 milliuns). Per la vischnanca da Scuol restass anc radund 1,5 milliuns francs.

Avess il suveran da refusar il credit na vegn il batschigl da serra betg realisà, lura vegnissan realisads sulettamain las lavurs da segirezza lung il flum tras la vischnanca tar la sbuccada da la Clozza en il En.

Scuol paja per omadus variantas medem bler

Per Scuol custan omadus projects medem bler, numnadamain 1,5 milliuns francs. Cun la realisaziun dal project subvenziunà vegniss ultra da las sanaziuns sin il traject era realisà il batschigl, quai che procura tenor il capo communal in'ulteriura segirezza per Scuol.

RR actualitad 12:00