Siglir tar il cuntegn
cuntegn

Engiadina Scumbigls pervi da bogn da cura a San Murezzan cuntinuan

Quai è vegnì enconuschent a la radunanza generala da la MTZ Heilbad St.Moritz SA la sonda a San Murezzan, scriva la MTZ SA sezza en ina communicaziun a las medias.

totala dal fabricat.
Legenda: Il Heilbad, il bogn da cura a San Murezzan, è dapi onns en il center dad ina dispita. mad, SRF

En sia communicaziun a las medias annunzia la MTZ Heilbad St.Moritz SA da vulair ir vinavant la via giuridica per pudair restar en il Heilbad, il bogn da cura a San Murezzan. Suenter che la dretgira regiunala Malögia ha renvià essenzialmain la tgisa da la MTZ SA, tira quella vinavant il cas al Tribunal administrativ dal chantun Grischun.

La MTZ Heilbad St.Moritz SA cumbatta dapi onns per pudair restar en las localitads dal Heilbad, il bogn da cura a San Murezzan. Là porscha la MTZ SA dapi sia fundaziun l’onn 2003 terapias medicinalas.

Dal 2014 èn dentant vegnids desditgs a la MTZ SA ils contracts da fittanza per las localitads en il bogn da cura. Dapi lura duran ils scumbigls: La MTZ ha numnadamain recurrì tar sia locatura, la St. Moritz Bäder SA, cunter la desditga da las localitads – dentant senza success. Suenter divers mais da tractativas èn ils scumbigls vegnids in cas da dretgira.

La MTZ Heilbad St.Moritz SA ...

... è vegnida fundada l’onn 2003 per impedir, ch’il center dal bogn da cura deficitar stoppia serrar e per che la tradiziun da far bogn a San Murezzan possia vegnir cuntinuada. La MTZ SA porscha terapias medicinalas ed occupa 28 collavuraturs. La SA vegn purtada da 146 acziunaris e la fundaziun Paracelsus.

RR novitads 18:00