Siglir tar il cuntegn

Header

cuntegn

Scola Grevas Instrucziun a distanza a San Murezzan

La scola Grevas a San Murezzan, fa a partir dad immediat puspè scola a distanza. Quai fin venderdi cura che las vacanzas cumenzan. La raschun è la cumulaziun da cas da corona ch'i ha dà ils ultims dis en la chasa da scola. Sco Fabrizio D'Aloisio, il pledader da San Murezzan ha ditg envers RTR vul ins vinavant evitar ina derasaziun dal virus en las ulteriuras scolas communalas.

Ordinà test da corona

La direcziun da la scola haja perquai decidì ensemen cun il stab da crisa da la vischnanca da San Murezzan da turnar tar l'instrucziun a distanza. Er il Chantun saja stà d'accord cun quellas mesiras. Sco Jörg Schneider ha ditg envers RTR haja il Chantun ordinà a trais classas in test da corona. Uschia duaja esser pussaivel dad interrumper la chadaina ed evitar novs cas.

Tschintg persunas d'instrucziun, duas mammas ed in uffant sajan en isolaziun. Plinavant sajan 17 scolaras e scolars da la 2. classa e trais ulteriuras persunas en quarantina.

Pervi da plirs cas da corona fan er gia l'Academia Engiadina e la scola commerziala instrucziun a distanza, quai dapi glindesdi.

Ord l'archiv:

audio
Co practitgeschan las scolas?
ord Actualitad dals 26.03.2020. Maletg: Keystone
laschar ir. Durada: 3 minutas 48 Secundas.

RTR novitads 07:00

Artitgels legids il pli savens