Siglir tar il cuntegn

Header

cuntegn

Scola da musica Engiadin’Ota Ina nova cunvegna duai reglar la finanziaziun

Enstagl da 50% dessan las vischnancas da l’Engiadin’Ota surpigliar enfin 70% dals custs.

La finamira è da segirar a lunga vista la scola da musica en l'Engiadin’Ota. Ina gruppa da lavur ha elavurà ina nova cunvegna. Quella prevesa ina participaziun davart da las vischnancas da maximalmain 70% dals custs en furma da garanzia da deficit. 30% surpiglia il chantun ed il rest va a cust dals geniturs dals scolars. La scola da musica custa radund 1,2 milliuns francs l’onn.

La nova cunvegna elavurada vegn preschentada proximamain a la conferenza da presidents e lura sto anc mintga vischnanca singula approvar la nova cunvegna cun la scola da musica. Tenor infurmaziuns dal president da la Regiun Malögia vegn quella ad ir en vigur a partir dal 2021 ubain eventualmain era retroactivamain sin il prim da favrer 2020.

audio
Per tadlar curt e cumpact
ord Novitads dals 19.05.2020. Maletg: RTR
laschar ir. Durada: 1 minuta 6 Secundas.

RTR novitads 17:00

Artitgels legids il pli savens