Siglir tar il cuntegn

Header

cuntegn

Engiadina Scola da musica appellescha vischnancas per sustegn

La scola da musica ha scrit a tut las instanzas politicas involvidas en l’Engiadin’Ota per dumandar sustegn. Cun la refurma da territori n’è la scola da musica a partir dal 2017 betg pli automaticamain ina chaussa regiunala. Ses avegnir è perquai intschert ed insumma betg anc reglà.

La scola da musica ha perquai piglià l’occasiun per ir en consultaziun areguard ils statuts da la regiun Malögia. Ella giavischa che la scola vegnia integrada sco lavur regiunala ed uschia er sustegnida vinavant finanzialmain da las 11 vischnancas.

Nagina incumbensa regiunala pli?

Radund 500'000 francs survegna la scola da musica totalmain l’onn da la regiun d'Engiadin'Ota, stgars 250'000 dal chantun. Cun la reorganisaziun n'è actualmain betg planisà che la scola fa part dals statuts da la nova regiun Malögia. Ella è cunquai betg incumbensa da la regiun.

Soluziun è dumandada

Tenor ils presidents communals da la regiun Malögia na fiss quai betg in avantatg d’esser en la regiun. Las vischnancas pon er alura decider ch’ellas na vulan betg sa participar vid la finanziaziun. La soluziun da la politica è perquai da far cun mintga vischnanca in contract.

Artitgels legids il pli savens