Siglir tar il cuntegn
cuntegn

Engiadina Schlarigna: Fadri Denoth è elegì en suprastanza

Uschia che quella è cumpletta per la perioda d'uffizi dal 2018 fin il 2021.

Purtret vischnanca Schlarigna
Legenda: Schlarigna. RTR, Anna Caprez

Sper l’elecziun da Fadri Denoth en suprastanza ha la radunanza communala da Schlarigna approvà il preventiv. Quel quinta cun in surpli d'expensas da 107'000 francs tar expensas totalas da bun 20,9 milliuns francs. La vischnanca quinta l'auter onn cun investiziuns nettas da 2,7 milliuns francs.

Credit supplementar per il chanal da bob a San Murezzan

Tar la radunanza communala dal settember 2013 aveva il suveran da Schlarigna concedì in credit da bun 543'000 francs per investiziuns tar il chanal da bob a San Murezzan. Era cumpigliads tar quest project èn il chantun sco er la vischnanca da San Murezzan. Uss è dentant vegnì constatà ch’ils credits concedids da lez temp na tanschan betg. Perquai ha la vischnanca da Schlarigna anc concedì in credit supplementar per gidar purtar ils custs supplementars. Il credit è tar 87'500 francs.

RR novitads 09:00