Siglir tar il cuntegn

Header

cuntegn

Engiadina Schlarigna accepta credit per protecziun cunter canera

La radunanza communala ha acceptà il credit da 1,3 milliuns francs per la paraid da protecziun da canera – quai cun 46 encunter 25 vuschs, 11 abstenziuns. La paraid da 790 meters ed 1,8 meters autezza duai surtut auzar la qualitad da viver. In'obligaziun legala da construir ella na datti betg.

Vinavant han quels da Schlarigna acceptà unanimamain ina cunvegna da prestaziun per realisar ina halla da glatsch regiunala. Per evaluar il project ston las vischnancas da la regiun Malögia impunder 300'000 francs – Schlarigna contribuescha radund 30'000 francs. Nua che halla da glatsch duai vegnir construida n'è anc betg cler.

Sco ulteriurs projects steva in credit da 90'000 francs per in nov chargiader sin rodas, ed in credit da 1,3 milliuns francs per sanar l'edifizi da biro «Alte Brauerei». Tuts dus projects ha la radunanza communala approvà unanimamain.

RR novitads 08:00

Artitgels legids il pli savens