Siglir tar il cuntegn
cuntegn

Engiadina «Sched a seu lungetg»

Gion Tscharner, il lexicolog e redactur dals dicziunaris ladins en l’internet, viva a Zernez. Quests dis ha el edì il cudesch «Sched a seu lungetg».

Legenda: Guardar il video Gion Tscharner mussa ses nov cudesch sur da Sched. Durada 03:03 minutas.
Or da Telesguard dals 22.06.2017.
Cuverta dal cudesch da Gion Tscharner.
Legenda: Cudesch da Gion Tscharner. MAD

Gion Tscharner, il lexicolog e redactur dals dicziunaris ladins en l’internet, viva a Zernez. L'um dad 84 onns è oriundamain però da Sched en Tumleastga.

Cun il cudeschet «Sched a seu lungetg» preschenta Tscharner ussa la verva da ses lieu nativ, nua che be pli paucs discurran rumantsch. Il cudesch cun 180 paginas tracta fitg intenstiv l'istorgia da la lingua da Sched.

La publicaziun mussa la midada linguistica e las atgnadads dal rumantsch da Sched. Ella cumpiglia ina grammatica ed in pledari era sin in disc cumpact. En in’agiunta descriva l'autur l’istorgia da la famiglia Raguth Tscharner da Sched.

TR Telesguard 17:40