Siglir tar il cuntegn
Inhalt

Engiadina Sche la malsogna smanatscha da destruir la passiun

Il mund è dà ensemen per Jasmin Nunige en l'emprim mument. Ella sa regorda. Dentant era vi da sia cumbat enavos en la vita ed a la testa dal sport trailrunning. Oz viva ella anc pli consciaint e cun il savair ch'igl sa na enclegia betg da sai sez ch'ella sa anc currer e sa participar a cursas.

carta
Legenda: Il traject da la gronda cursa sur 46.4 kilometers cun partenza e finamira a Puntraschigna www.engadin.ultraks.com

Questa fin d'emna, ils 2 da fanadur vegn ella ad esser a la partenza dal Ultraks Engiadina che ha lieu per la segunda giada en questa furma. Nunige è l'ambassadura da la cursa, quai saja in'onur per ella che passenta adina puspè emnas da trenament en l'Engiadin'Ota.

Tar la cursa han ins la schelta da 3 distanzas. Nunige parta per la gronda sur 46.4 kilometers. Ch'ella po far quai e per ella schon in gudogn, il resultat vegn lura ad esser secundar per ella.

Cun 38 onns ha ella numnadamain survegnì la diagnosa Multiple Sklerose. Quai era avant 5 onns. Oz sa sentia ella bain e fitta. Ed uschè ditg che quai saja uschè vegn ella a sa participar vinavant a cursas uschè Nunige.

Ils success dattan raschun ad ella. Era suenter la diagnosa da MS ha ella pudì gudagnar differentas cursas.

Jasmin Nunige
Legenda: Jasmin Nunige è dapi passa 10 onns en la scena da trail running Marcel Giger

In pèr victorias importantas da Jasmin Nunige

  • 1994: participaziun als gieus olimpics a Lillehammer sco passlungista
  • 2001/03/07/09: victoria generala dal Swissloppet (passlung)
  • 2005/08/10: victura dal Swiss-Alpine
  • 2012: 6-avla cun la squadra svizra a al campiunadi mundial da cursa da muntogna sin lunga distanza

RR actualitad bunura