Siglir tar il cuntegn

Header

Navigaziun

Legenda: Guardar il video La schanza da siglir a San Murezzan è in stgarnuz da surpraisas. Durada 02:24 minutas.
Or da Telesguard dals 30.09.2016.
cuntegn

Engiadina Schanza – la suprastanza communala pensa d'avair agì gist

Sut varia ha la fracziun da la PPS/GdU fatg la dumonda al cussegl communal sche quai saja vair, ch'in investider fiss stà pront da fabritgar la schanza per 11,5 milliuns francs. Els sajan en possess d'ina correspundenza tranter la vischnanca e l'investider.

schanza
Legenda: Dumondas avertas brisantas davart la schanza da siglir a San Murezzan mad

Mario Salis da la Partida populara svizra vuleva savair gievgia saira en il num da la fracziun Pps/GdU, schebain quai saja vair ch'in investider avevia fatg l'offerta a la vischnanca da fabritgar per 11,5 milliuns francs il project oriund per ina nova schanza da siglir a San Murezzan.

Gea ha ditg il president Sigi Asprion, dentant n'hajan els betg tegnì enavos nagut. Els hajan respundì a la persuna ch'ella possia vegnir e vesair tut ils documents e che la vischnanca stoppia sclerir giuridicamain schi saja pussaivel da realisar l'idea. Lasuenter n'hajan els udì nagut pli.

Idea pauc concreta

Hoz ha il president communal Sigi Asprion ditg envers Radiotelevisiun Svizra Rumantscha RTR, ch'i na sa tractia betg dad in investider che vuleva pajar el sez la schanza. Asprion ha confermà che l'interprendider indigen Hans Jürg Buff haja contactà el cun la pretaisa ch'el savess fabritgar la nova schanza per siglir cun skis per la summa dad 11,5 milliuns francs, la summa damai che la populaziun da San Murezzan aveva concedì l'onn 2013. La vischnanca haja dà tut ils documents necessaris a Buff, lura dentant udì nagut pli da quel. Uschia haja ins pensà che l'idea na saja betg uschi seriusa. La publicitad n'haja ins betg infurmà perquai ch'ins n'haja mai survegnì ina offerta concreta cun cifras da Buff. Perquai di Asprion era, che el na chapeschia betg pertge che insatgi haja uss suenter la votaziun pisserà che l'idea è vegnida publica entras ina indiscreziun.