Sin ina lunghezza da radund 100 meter è glischnada la via var otg meters en la profunditad. Quai è succedì la gievgia sin la vart vers il Tirol dal Sid en vischinanza dal restaurant «Weisser Knott». Uschia ha infurmà il responsabel per la pagina da Facebook Passo Stelvio – Silfserjoch.
Il mument haja fitg pauc traffic sin la via, perquai che la part sura dal pass n'è anc betg vegnida averta suenter l'enviern. Nagin saja sa blessà. Ils responsabels èn vid cumadar la via. L'avertura dal pass per la stad, ch’è previsa enturn l’entschatta da zercladur, na saja betg periclitada tras questa ruschnada da la via, uschia Stephan Bauer dal servetsch stradal dal Vnuost.
