Siglir tar il cuntegn
cuntegn

Engiadina Sbittà recurs encunter center per elavuraziun da charn

En Val Müstair po cuntinuar il project da svilup regiunal da la societad “Agricultura Jaura”.

mazlaria
Legenda: Il recurs sa drizzava encunter il center per l'elavuraziun da charn (maletg simbolic). Keystone

Il Tribunal administrativ chantunal ha refusà il recurs encunter il project d'in manaschi per elavuraziun da charn en Val Müstair. Il manaschi è ina part dad in project da svilup regiunal da la societad «Agricultura Jaura» che cumpiglia ina latgaria, in center per elavuraziun da charn ed in center per elavuraziun da graun.

Tema da concurrenza

Il recurs è vegnì dad in mazler. Quel ha pretendì ch'il center dad elavuraziun da charn che vegnia sustegnì da chantun e confederaziun saja ina concurrenza per el. Il Tribunal chantunal ha sbittà il recurs cun l’argument ch'il mazler n’haja betg offrì la pussaivladad da mazzar e n’haja era betg lavurà tenor criteris dal label Bio Suisse il mument cura ch'il project è vegnì inoltrà. Uschia na saja il center dad elavuraziun da charn planisà betg ina concurrenza.

La societad «Agricultura Jaura» po ussa cuntinuar cun la realisaziun dal project.

RR novitads 18:00