Siglir tar il cuntegn

Engiadina Sbagls pitschens han manà tar accident d'aviun a Samedan

L'accident d'in aviun pitschen sin l'eroport da Samedan il november 2015 è capità perquai ch'ils dus pilots han pers la controlla durant in manever d'atterrar.

Aviun pitschen en posiziun inclinada.
Legenda: L'aviun pitschen suenter sia emprova d'atterar malreussida. MAD

En emprima lingia hajan il pilot-instructur ed il scolar pilot duvrà memia fitg il frain da pe dretg. Quai scriva il Servetsch d'enquista svizzer per la segirezza (SUST).

Vitiers haja il pilot-instructur gì memia pauc experientscha sco instructur. Ultra da quai haja el er manchentà da sa coordinar cun il scolar pilot. Ni il pilot-instructur ni il scolar pilot n'eran vegnids blessads tar l'accident.

RR novitads 10:00