Unanimamain ha il cussegl communal da San Murezzan approvà la cumpra da l’Hotel Primula a Champfèr dal possessur da l’object, la «El Paradiso Hospitality Group SA» per in pretsch da 3,75 milliuns francs. Quest import vegnia finanzià ord il conto d’acquists da terren.
A curta vista duain las localitads vegnir nizzegiadas sco plazzament da fugitivs ucranais a partir dal 1. d’october 2022. En in segund pass duai vegnir stgaffì sin la parcella nov lieu d’abitar per indigens. Fatg quint vegn cun radund 8 fin 15 abitaziuns da differentas grondezzas, uschia l’argumentaziun.
audio
Per tadlar: Las novitads da las 06:00
ord RTR Audio dals 30.09.2022.
laschar ir. Durada: 6 minutas 26 Secundas.