Siglir tar il cuntegn

Header

cuntegn

Engiadina San Murezzan stritga contribuziun per City Race

Il City Race a San Murezzan na po betg quintar cun sustegn da la vischnanca ils proxims trais onns. Il cussegl da vischnanca ha decis da stritgar la contribuziun da 750’000 francs per la cursa da skis e passlung tras las vias da San Murezzan.

La decisiun cunter la contribuziun finanziala è stada unanima, ha ditg Regula Degiacomi da la cumissiun da turissem.

Avegnir intschert

La raschun saja ch'il concept actual na funcziunia betg pli e la glieud na saja betg cuntenta cun il City Race sco el è uss. Gia ils davos onns haja adina puspè dà pitschnas midadas; uss saja dentant uras da metter en dumonda l’entir concept. Il cussegl da vischnanca pretenda perquai in nov concept.

Il comité d’organisaziun dal City Race enturn il president Patrick Wiederkehr è dischillus da la decisiun dal cussegl da vischnanca. Co i va uss vinavant na saja betg cler. Proxima mesemna saja planisada ina seduta per discutar il futur dal City Race.

RR novitads 11:00 / 12:00

Artitgels legids il pli savens