La trilinguitad è ses mintgadi, surtut sch'i va per ponderar. Bain saja il rumantsch la lingua materna ed era quella dal cor, sch'i va per s'exprimer precis vai meglier per tudestg. Ed il talian, gea, quel vegnia savens in pau a la curta.
D'avair il chau plain cun trais linguas fermas chaschuna mintgatant per in battibugl e lura na va pli nagut.
Da l'autra vart saja quai però in grond avantatg da discurrer trais linguas, surtut per emprender autras linguas. E precis quest avantatg veglia ella era dar enavant a sia figlia, perquai discurrian els a chasa rumantsch.
Sco famiglia rumantscha en in conturn tudestg da San Murezzan essan nus exots.
Perquai sa legria ella adin, cur ch'ella giaja a Silvaplauna a dar scola. La scola a San Murezzan e cunquai ses mintgadi saja oramai fitg tudestg.
RR actualitad 07:00