Siglir tar il cuntegn
cuntegn

Engiadina San Murezzan sa prepara sin ulteriurs urizis

Suenter l’urizi da glindesdi saira ch'aveva chaschunà donns a San Murezzan Bogn, sa prepara la vischnanca sin novs temporals.

L'areal d'ina fatschenta inundà.
Legenda: Il glindesdi passà era in ual ì sur la riva ora ed aveva inundà l'areal d'ina fatschenta. Keystone

Els hajan sut controlla la situaziun ed sajan buns d’evitar ulteriuras inundaziuns, ha ditg Sigi Asprion il president da vischnanca da San Murezzan. Sche l’aua avess da crescher puspè vegnia l’aua deviada sur la via. Enfin ch’il chanal d’aua saja liber da glera e puspè operativ, giaja però anc in zic – uschia Asprion.

Il glindesdi passà era l’Ovel da Staz ì sur la riva ora ed aveva inundà l’areal d’ina fatschenta e la zona d’abitar dasperas. Tschalers e garaschas eran sut aua, edifizis ed autos èn vegnids donnegiads. Ils donns muntan a plirs milliuns francs.

RR novitads 20:00