Siglir tar il cuntegn

Engiadina San Murezzan prevesa deficit da radund 6 miliuns francs

La radunanza communala di gea al budget 2016 e lascha il pe da taglia sin 60%

San Murezzan
Legenda: San Murezzan prevesa in deficit per l'onn 2016 La radunanza communala ha ditg gea al budget 2016 da San Murezzan. RTR/A. Caprez

La radunanza communala da San Murezzan ha ditg gea cun gronda majoritad al preventiv da la vischnanca per l'onn 2016. Quel prevesa in deficit da radund 6 miliuns francs tar entradas da radund 81 miliuns francs e sortidas da radund 87 miliuns francs. Il pe da taglia resta sin 60% da la taglia chantunala.

La proposta dal cussegl communal da laschar examinar la situaziun finanziala ed in eventual potenzial da spargn da la vischnanca dad in post extern ha la radunanza communala dentant refusà.