Siglir tar il cuntegn
cuntegn

Engiadina San Murezzan: Polizia ha scuvert dealers da cocain

La Polizia chantunala ha scuvert in rintg da martgadants da cocain a San Murezzan. Pliras persunas èn vegnidas arrestadas.

In maun en in von che lai crudar cocain sin maisa.
Legenda: La Polizia chantunala ha chattà martgadants da cocain a San Murezzan. Keystone

A San Murezzan èsi gartegià a la polizia chantunala da tschiffar persunas ch'han martgadà cun cocain. Durant las ultimas duas stagiuns d'enviern ha la polizia fatg retschertgas intensivas en l'Engiadin'Ota pervi da traffic da drogas. La polizia è uschia vegnida attenta sin ina gruppa da 12 persunas. Trais da quellas sajan stadas arrestadas temporarmain. Entant èn ellas però puspè en libertad.

Valur da 10'000 francs

Cun far perquisiziuns da chasa ha la polizia chattà var 60 grams cocain d'auta qualitad ed ina pitschna quantitad da haschisch. Las drogas hajan ina valur da var 10'000 francs. Las persunas en la vegliadetgna tranter 26 e 60 onns che derivian da la Svizra, da l'Italia e da la Germania han per part confessà delicts. La polizia ha denunzià las persunas a la procura publica dal chantun Grischun.

RR novitads 12:00