Suenter ina fasa da planisaziun pli lunga avra Reto Mathis in'ustaria en la Chesa Chatarella, il CheCha Restaurant & Club. Sper l’atgna patissaria e Daytime-Partys porscha la CheCha era in’academia culinarica.
Tenor Reto Mathis porschia el e ses team cun ina tala academia insatge innovativ. Ils curs da cuschinar sajan individuals segund ils giavischs dal client ed empleneschan ina fora da l’offerta en Engiadina.
Il CheCha sa chatta en la regiun da skis da Salastrains sin radund 2’000 meters sur mar en ina chasa istorica. La Chesa Chantarella ha ina capacitad da fin 500 persunas. L’avertura uffiziala è l'avust.