Siglir tar il cuntegn

Engiadina San Murezzan: Avertura dal vial da bob

Mesemna ha cumenzà la stagiun dal pli lung, pli vegl, pli natiral vial da bob dal mund. I sa tracta da l’Olympia bob run a San Murezzan.

Legende: Video Avertura dal vial da bob a San Murezzan abspielen. Laufzeit 00:05 Minuten.
Or da Telesguard dals 20.12.2017.

Cun ina pitschna festa ha cumenzà la stagiun da bob a San Murezzan. Il manader da gestiun Damian Gianola, ensemen cun Rolf Sachs, han taglià il bindel per dar liber il vial al prim bob da la stagiun.

Dumeng Stuppan, ch'è dapi 40 onns tar il bob run, ha gì l’onur da far il emprim viadi uffizial da la stagiun. Quai viadi ha el fatg en in bob da dus, in bob nostalgic che sa numna Feierabend.

Il funcziunari d’onur, Dumeng Stuppan, è fitg cuntent cun il vial. Segund el saja il glatsch fitg dir ed ideal per avrir il vial gia damaun per bobs a dus.

La bobera dals superlativs

Il vial da bob e vegnì fatg per la prima giada l’onn 1904 ed è cun quai la pli veglia bobera insumma. Ella è la davosa bobera cun glatsch natiral e cun 19 stortas ed ina lunghezza da 1722 meters era il pli lung vial da bob.

La stagiun

La stagiun ha ses emprim highlight ils 30 da december cun il campiunadi da bob svizzer. Il schaner èn ils campiunadis mundials da bob e da skeleton dal juniors a San Murezzan. La stagiun uffiziala va a fin als 3 da mars 2018 cun la Polenta Race.

RR actualitad 17:00