Markus Berweger e Martina Gorfer, tuts dus dals liberaldemocrats han cuntanschì sco unics commembers actuals dal cussegl communal da San Murezzan il pli absolut en l'emprim scrutini e restan cunquai commembers.
Era elegì è in ulteriur commember dal PLD, Curdin Schmidt, che fa part da nov dal parlament da San Murezzan davent da l'emprim da schaner.
Il pli absolut è stà tar 587 vuschs, la participaziun a l'elecziun tar 45%. Per ils ulteriurs 13 sezs dal parlament da San Murezzan dovra quai in segund scrutini, sco gia per l'elecziun dal president communal e la suprastanza communala. En tut avevan 26 persunas candidà per ils 16 sezs dal parlament.
Parlament da San Murezzan
| NUM | PARTIDA | VUSCHS |
| Markus Berweger (vegl) | PLD | 757 (elegì) |
| Curdin Schmidt (nov) | PLD | 626 (elegì) |
| Martina Gorfer (vegl) | PLD | 591 (elegì) |
| Prisca Anand (vegl) | PLD | 575 (betg elegì) |
| Fritz Nyffenegger (vegl) | PCD | 566 (betg elegì) |
| Christoph Schlatter (vegl) | PLD | 566 (betg elegì) |
| Gian Marco Tomaschett (vegl) | PPS | 562 (betg elegì) |
| Karin Metzger Biffi (vegl) | PCD | 539 (betg elegì) |
| Adrian Lombriser (vegl) | PCD | 480 (betg elegì) |
| Maurizio Cecini (vegl) | GdU (Gruppa dals independents) | 477 (betg elegì) |
| Nicolas Hauser (nov) | Senza partida | 476 (betg elegì) |
| Claudia Aerni (nov) | Senza partida | 450 (betg elegì) |
| Tanja Kreis (nov) | Senza partida | 439 (betg elegì) |
| Ramiro Pedretti (nov) | PLD | 423 (betg elegì) |
| Francesco Stazzonelli (nov) | PCD | 398 (betg elegì) |
| Seraina Strähle (nov) | GdU | 379 (betg elegì) |
| Silvano Vitalini (nov) | Senza partida | 365 (betg elegì) |
| Dorigo Pedrolini (nov) | PPS | 365 (betg elegì) |
| Michael Häfliger (nov) | GdU | 352 (betg elegì) |
| Beat Mutschler (vegl) | PCD | 347 (betg elegì) |
| Gregor Joos (nov) | Senza partida | 341 (betg elegì) |
| Guido Mittner (nov) | PPS | 317 (betg elegì) |
| Mohamed Abou el Naga (nov) | Senza partida | 259 (betg elegì) |
| Patric Rota (nov) | Senza partida | 255 (betg elegì) |
| Carlos Pinto (nov) | Senza partida | 205 (betg elegì) |
| Mic Peri Fadri Schneider (nov) | Senza partida | 191 (betg elegì) |
Cussegl da scola
En il cussegl da scola èn vegnids elegids Ruth Steidle (PCD, 823 vuschs), Riccardo Ravo (PCD, 773 vuschs), Katia Caspani (PLD, 748 vuschs), Corina Gammeter (PLD, 720 vuschs) e Heidi Wyss (PPS, 547 vuschs).
Betg elegida è Corina Cecini-Kindler (GdU, 426 vuschs).
RR novitads 14:00
