Siglir tar il cuntegn

Engiadina Samignun va cun la plima

Samignun ha ils pli cuntents giasts d'hotels da tut la Svizra.

Samignun l’onn 2011.
Legenda: Samignun l’onn 2011. RTR, H. Thom

Quai resorta d'ina analisa ch'è vegnida fatga cun passa in mez milliun commentaris d'internet, e che la Sonntagszeitung ha publitgà. Apprezià vegn cunzunt il bainvegni persunal cun cüpli, top-wellness, pretschs bass ed il shopping bunmartgà gist enturn la chantunada. Samignun ha survegnì bun 90 da 100 puncts.

Gronda part cuntents cun il Grischun

Cuntents fin fitg cuntents èn ils giasts era cun ils hotels da l'Engiadina, da la Surselva, da Tavau ed insumma da la gronda part dal Grischun. En la regiun da Cuira e da Savognin datti entant hotels che vegnan magari era crititgads.

Fatg questa analisa che cumpiglia l’entira Svizra ha la Scol’auta per economia e turissem dal chantun Vallais.