L’atmosfera sin la plazza aviatica a Samedan è speziala durant ils dis da festa. Numnadamain platgan e partan aviuns pli gronds che usità ed uschia saja oravant tut l’organisaziun dal lieu ina gronda sfida per ils responsabels. Durant quests dis arrivan e van fin 80 jets per di a Samedan. La lavur sco tala saja però adina la medema, di Roman Parli, il capo squadra dal «Groundservice».
Nus tractain tut ils clients tuttina. L’unic ch’è auter durant quests dis è il traffic.
video
Stagiun auta sin l'eroport a Samedan
Or da Telesguard dals 05.01.2022.
laschar ir. Durada: 4 minutas 2 Secundas.
80% da la svieuta annuala
Tenor Martin Binkert, il manader tecnic da l’eroport, sa possia congualar il traffic durant quest temp cun ils onns avant corona. L’affar quests dis è fitg impurtant per la gestiun – tranter ils mais da december fin il mars/avrigl fetschia or var 80% da la svieuta annuala.