Siglir tar il cuntegn
Inhalt

Engiadina Samedan: Mesiras da respargn funcziunan

La vischnanca da Samedan po guardar enavos sin in bun on da gestiun 2016. Quel serra cun in surpli da retgav da 210’000 francs. Il cashflow serra cun ina gudogn da 7,9 milliuns francs ed è uschia per bainquant pli aut sco ils 2.7 milliuns ch'eran budgetads.

La vischnanca da Samedan cun vista sin il massiv dal Bernina
Legenda: La vischnanca da Samedan cun vista sin il massiv dal Bernina MAD

Las mesiras da respargn, ch'eran vegnidas introducidas, mussan uss effect: Uschia ha la vischnanca da Samedan pudì diminuir il chapital ester per 4,2 milliuns sin nov 41,5 milliuns francs.

Cuntanschi las finamiras er grazia a vendita da parcella

Cun il cashflow da 7,9 milliuns francs or da la lavura operativa ed in grad d’autofinanziaziun da 100% è la finamira finanziala da la vischnanca da Samedan cuntanschida. In dals motivs per quest bun resultat è tranter auter la vendita dad ina parcella.

Malgrà il bun resultat èn ils debits anc adina massa auts e ston vegnir sbassads pli svelt pussibel, quai scriva la vischnanca da Samedan en ina communicaziun a las medias.

RR novitads 14:00