Siglir tar il cuntegn

Engiadina Samedan: Dunna sa blessescha en il bus

Il bus da notg ch'è stà da viadi a Bever ha stuì franar andetg pervi d'in animal sin via. En consequenza è ina dunna crudada e sa blessada.

Purtret dal bus.
Legenda: Da quest sez è la dunna glischnada giu ed è sa blessada. MAD, Polizia chantunala

La dunna da 55 onns è sesida curt avant mesanotg a Samedan sco unica passagiera en il bus da notg direcziun Bever. Pervi d'ina selvaschina sin via ha il manischunz stuì franar ferm. Perquai è la dunna glischnada dal sez sin il plantschieu e lura cunter ina paraid. Uschia ha la dunna survegnì pliras fracturas.

Il manischunz è lura sa manà cun il bus ed è ì cun la dunna en l'ospital a Samedan. Silsuenter ha la la Rega sgulà la dunna en l'ospital chantunal a Cuira.

RR novitads 20:00