Siglir tar il cuntegn

Header

cuntegn

Samedan Banca Raiffeisen cumpra l'hotel Terminus

La banca Raiffeisen Engiadina Val Müstair ha cumprà l'hotel Terminus e vegn a realisar ina nova filiala da banca.

Dapi 22 onns è la filiala da la banca Raiffeisen en il center da la vischnanca da Samedan. Il local è dentant pitschen e stretg e la banca è fittadina dal local. Perquai haja la Banca Raiffeisen Engiadina Val Müstair betg stuì ponderar ditg cura ch'ella saja vegnida a savair che l'hotel Terminus gist dasper la staziun da Samedan saja venal. Quai ha Thomas Malgiaritta, directur da la Banca Raiffeisen Engiadina Val Müstair ditg envers RTR.

Clar saja, ch'ins vegnia a realisar ina nova filiala da banca en l'edifizi. Tut il rest saja anc avert. Sco proxim vegn fundada ina gruppa da lavur che vegn a lavurar ora in project. Enfin il settember 2023 resta l'hotel ed il restaurant Terminus anc avert.

audio
Per tadlar: curt e cumpact
ord RTR Audio dals 18.11.2022.
laschar ir. Durada: 1 minuta 6 Secundas.

RTR novitads 06:00

Artitgels legids il pli savens