Siglir tar il cuntegn
cuntegn

Engiadina Samedan: 22 milliuns francs per la plazza aviatica

Ch’investiziuns fan da basegn è enconuschent dapi in pèr onns. Uss daventa l’emprim pass concret: Il circul d’Engiadin’Ota tracta ils 15 da december la missiva per mauns da la votaziun a l’urna il favrer 2017.

plazza aviatica Samedan
Legenda: La plazza aviatica a Samedan duai vegnir modernisada per 22 milliuns francs mad

22 milliuns francs en total. 8.5 milliuns da quels ston surpigliar las vischnancas d’Engiadin’Ota, il maun public.

Per questa dumonda vai ils 15 da december. Vul ins sustegnair vinavant la plazza aviatica u betg. Las investiziuns fan da basegn, per che la plazza aviatica haja in futur. Gia oz funcziuneschi mo anc grazia permiss spezials da Berna.

Repartiziun dals custs

  • 8.5 milliuns francs da las 11 vischnancas d’Engiadin’Ota. Mintg’onn dal 2018 fin 2021 in import tenor la clav da scumpart dal circul
  • 4 milliuns francs chantun e confederaziun
  • 9.5 milliuns francs chapital ester

Per tge ch’ils raps vegnan dads or

  • Sistem da segirezza electronic enturn la plazza aviatica
  • Nova tur
  • Novs hangars d’helicopters
  • Separaziun d’helicopters ed aviuns
  • Nov sistem da func che pussibilitescha in traffic pli flexibel

RR actualitad 12:00